大坑舞火龍為節日增加不少氣氛，亦都是一個不錯的攝影題材。
活動通常都會在晚上大約八點左右開始，大約7點幾就會聽到鑼鼓聲，代表表演開始。鑼鼓表演之後就係到火龍出場。
火龍第一輪出場時間比較上短，在嘉賓台前表演一輪之後好快就會去遊街。怕悶嗎﹖火龍遊街其間有蘇格蘭風笛隊表演(可能唔係年年有，因為有一次我係沒有見過該表演)。遊完街之後火龍就會回到浣紗街再重新上香。因為第一輪的香基本上已經燒得七七八八。
在重新上香時，如果霸到好位，可以影舞龍健兒插香。
重新上香之後，餘下時間火龍就會在浣紗街表演。直到大約10點左右就會完結。
街上的街燈不是太光，現場環境光度不足，快門很慢，想提高快門速度可以揀用大光圈鏡頭，不過大光圈，景深就會很淺。若想收到一定光圈而又要保持相當快門，可以揀的方法可以用高iso，或者開閃光燈。不過提高iso 帶來的副作用是會有雜訊，不過科技帶來好處，現在的相機在高iso 時的雜訊控制已經很好。假若用閃光燈，又可能會破壞現場氣氛。
慢快門之下，可以玩的效果有很多，影相時可以跟隨條龍舞動的方向擺鏡攝影。可以影出舞龍時的動感。另外，拍攝時拉動變焦環，可以做到拉爆效果。增加相片可觀性。當然，係可以用photoshop 的動態模糊去做相同效果啦。
影火龍，當然是越早霸位越好。不過霸位都要睇位置，如果可以，霸到有防撞欄一邊的位置是最好的。因為有防撞欄幫你阻擋後面的人群。若果是在排欄那一邊，後方來的人會不斷湧上前，好快就會從後方聽到，「可唔可以讓一讓畀個小朋友睇下呀﹖ 」之後好快就會連個大人都會湧上來「我要睇住個仔」
在較大的地圖上查看火龍霸位圖
