初試防水套

夏天，為大地帶來汗水，消暑，水上活動最好不過。
想為水上活動影相留念，第一件事要考慮當然是相機要防水啦。雖然三防相機唔要係咩新奇產品，而且價錢又唔係貴，但係好少人會一買相機就買三防相機。
要防水又唔想買過一部，最好方法就係為相機添購防水機殼。每個型號都有佢自己的匹配防水殼，買之前最好做資料搜集。
我沒有買防水相機殼，一來本身相機型號舊，原廠機殼已停產，二來價錢比防水相機袋貴。最後買了一個防水相機袋去保護我的器材。

防水袋是DiCAPac出品，我買了一個新型號叫wp-one。我自己手上有兩部舊相機，一部是canon ixus 950is，另一部是canon ixus 870is，兩部相機，以前，要用兩隻不同防水袋，現在一個就得。

拆開包裝，防水袋，頸繩，仲有黑色那一個增距環。

防水袋口是用拉鏈袋口再加魔術貼組成。

增距環，環上有藍色橡膠o-ring 防水。

鏡頭蓋，亦都有防水o-ring。

當用ixus870 is的時候，不用加增距環。

如果轉用 ixus 950is 時，就要加增距環了。

打開袋口，就可以放入相機。

拉好拉鏈袋口，卷卷卷好袋口，魔術貼貼好。安裝完成。

強烈忠告，使用前，請先試一下防水袋的性能。避免落水後發現漏水做成器材損毀。

使水方法，可以放一張紙巾入去防水袋內，封好，放入一盤清水內。等十數分鐘，拎紙巾出來睇有冇濕，冇事即係冇事。有濕証明漏水。

題外話，wifi sd card 在這個相機被包實的情況下好好用。不用拎相機出來，即時send 相出去同在場的朋友分享。個人經驗，上午出海爬船仔(獨木舟)，中午食飯時，開住相機，拎出手機連上sd card 的wifi，就可以抄相到大mon的手機上欣賞和分享，感覺良好。

舊機雖然只識影相，但加多少少配件都依然做到要做的事。

買雜誌送相機帶條帶點用？用來綁腳架。

最近一期(436期)U 周刊，買特別版雜誌有條朱古力相機帶。

最近香港的雜誌都幾時興買相機帶送雜誌，收埋收埋其實都有好幾條。多了用唔著既相機帶點好呢﹖用來整腳架帶一流。

其實有相機帶上加個日子扣同小型插扣就可以了。呢兩樣可以去鴨寮街排檔買到。

將相機帶的一端，穿起那個插扣和日字扣。

另一端其實好簡單，只要卷住腳架中軸就可以。

有插扣的一端，可以綁住其中一隻腳，如果相機帶足夠長，其實可以一次過紮住三隻腳。用插扣的目的是可以好方便去裝拆那條相機帶。

元朗大棠紅葉

每年秋、冬時份，大棠的楓香樹開始換季，樹葉都開始變紅。大欖郊野公園的大棠山路，一棵棵的楓香樹的樹葉變成紅色，好有秋冬氣氛。好多人都會上山去郊野公園影紅葉。

在較大的地圖上查看大棠紅葉K66巴士站

影紅葉，個人覺得鏡頭要求比較簡單，廣角鏡，可以影到一片紅葉加風景，還在樹木的線條；用長鏡又可以影紅葉特寫，如果有私家模特兒，有紅葉做背景，唔錯。


FLICKR 相簿


大棠的紅葉是楓香樹，其實同加拿大的楓樹是不同屬的植物，去維基百科查一查，就有更多關於大棠楓香樹的資料。

楓香樹屬

槭屬（學名：Acer）屬內種俗稱楓樹



資料源於維基百科

大埔太和農墟旁的梅花

在大埔太和農墟，有六、七棵梅花樹。在每年的一、二月左右梅花盛開。
在較大的地圖上查看太和梅花

要影梅花，個人認為有支長鏡會有少少優勢，因為梅花生得比較上高，而且細，鏡頭焦距唔夠長，就好難為梅花做特寫。梅花生得比較旺盛和密集，用標準鏡會影到一片「白雪」蓋樹的感覺，主體很美，但無奈樹後的背景是鐵絲網、建築物，不能構成一幅美麗的風景畫。

去影梅花要揀時間，除了花會謝之外，還有日照方向的因素要考慮。下午時間，陽光會被建築物(太和的Y型公屋)所阻擋；接近正午，烈日當空；早上時間，東面是車路，雖然有消防局遮擋，但有少許側光可用。