20170812攝影日記

好一段日子沒有外出影相。對上一次去西環貨物起卸區是搭巴士，今次去，因為港鐵香港大學站開通，改搭港鐵，在香港大學站行過去。香港大學b2 出口出去，往德輔道西行出去就好快行到。

西環貨物起卸區睇日落一流。


太陽落山後，更精彩的活動緊隨其後，是日有英仙座流星雨，見天朗氣清，就同朋友去石澳睇流星。

乘搭「地表最快」公共交通工具去筲箕灣，再轉乘 9 號巴士到達石澳總站落車。由於有流星雨關係，石澳遊人多如旺角。

石澳觀星都係好地方。少光害。抬頭都隱約見到銀河。但前提是月亮未上。當晚十點左右，月亮已從東邊慢慢升起。流星雨我就睇唔到，但在天蠍座尾部就見到兩粒流星，大概因為我無耐性。

初到清水灣郊野公園影星星

在香港看星，真是屬於很奢侈的事，首先要天朗氣清，起碼沒有或少雲和煙霞，其次是要遠離光害。天然光害（皎潔明月）要避其實唔難，最難是人為光害。遠離市區的地方，好似西貢東霸，大嶼山水口，其實唔錯，但如果是駕駛人士就比較麻煩，因為要申請禁區紙。

而最近我就同朋友們去了一個地方觀星影銀河，那就是清水灣郊野公園。清水灣郊野公園的大坑墩有個風箏場，那裡向東望海，少光害，炎夏夜晚有涼風送爽，都幾適合觀星。唯當日時運高，遇上海面有船發出耀眼白光，比較大煞風景。
雖然海面有少少光害，但都唔太影響觀星。肉眼都可以見到夏季銀河。影星空的話都唔太有問題。連門外漢如我都能夠沒有專業器材支援下影到星，就知沒有難度啦。

---